Geriadur ar vezekniezh : galleg-saozneg-brezhoneg. Vol. 10. Polyviscéral-Récepteur. Dictionnaire de médecine : français-anglais-breton. Vol. 10. Polyviscéral-Récepteur

Ce que dit l'éditeur

E kentskrid Rann 1 Geriadur ar Vezekniezh e skrive Guy Étienne kementmañ :

« Un atersig da glozañ ar c'hentskrid-mañ : o vezañ ma 'z eo nes da vann an debegezh ma welin embannet Rann diwezhañ Geriadur ar Vezekniezh, pe debegezh zo ma ve sammet ar bec 'h gant chougoù yaouank ? »

Dek vloaz diwezhatoc'h e c'hellomp respont ned eo ket ken yaouank-se choug Yann-Baol An Noalleg, hogen sammet eo bet ar bec'h ha mennet eo an aozer-se da bengenniñ oberenn e geneil aet da anaon. Ar vadelezh he deus bet an Itron Gizella Étienne da lakaat en e gerz pemp klenkell - betek zygot- -, ma kaver un nebeut notennoù skrivet gant ur skriverez ha gant an dorn, eleze kent amzer arver an urzhiataerioù, gant koskor Preder da nebeutañ.

Dav teurel evezh avat, rak kalzik a frazennoù, a c'herioù zo bet dilezet ha kemmet da heul gant Guy Étienne ha gwell en deus kavet aozer ar Rann 10 soliañ war an nav Rann embannet betek bremañ.

Hag eñ ijinour war ar Gimiezh ha kelenner Jedoniezh, Yann-Baol An Noalleg ned eo ket arbennikaet war ar Vezekniezh ha furoc'h en deus kavet reiñ da lenn ar Rann 10 d'ur mezeg. Hogen ouzhpenn 40 vloaz a eskemmoù etre kentrader ha kendalc'her Geriadur ar Vezekniezh (sl. ar steudad Lavar) o deus kevaraezet aozer ar Rann 10 bezañ e-tailh da « sammañ ar bec'h war e choug ».