Lo secret de la rabassièra

Ce que dit l'éditeur

«A son trin, tièra a cha tièra, Minà talha lei brancas bassas dins lei rabassièras de la Grenòbla. Lo travalh es long e fastigós. L'abséncia de Juli li pèsa. Liona la seguís fidelament. Van sus plaça en passant per lo sèrre sablós e mai d'un còp la canhòta tròba encara una rabassa negra entardierada.

- Vòudriáu ben m'ofrir una aumeleta, mai sariá una ofensa a Felip !

Aquò, jamai lo sofririá !

Alara Minà se congosta de rabassas crudas».

Siam dins lo sud de Droma. A l'entorn de Minà, la joina eroïna berbèra, personatge centrau d'aqueste roman, trobam son òme, Felip, qu'es païsan, e Juli, son sògre, un afogat de la rabassa. L'istòria se nosa entre elei tres, que vivon a tòca-tòca dins una granja solitària. Juli ensenha a Minà tota sa sciénça rabassièra.

Pamens, un secret pesa sus aquesta familha, escondut tant fons dins leis estres coma la rabassa sota tèrra. Minà fai son enquista e tanben cerca lei diamants negres amb sa brava canhòta Liona.